Question 1

Qahva nima?

Accepted Answer

Qahva — platformaning ichki hisob birligi. Uchrashuv narxi qahvada o'lchanadi: mezbon har bir format va davomiylik uchun eng kam qahvani o'zi belgilaydi. Bu uning vaqti uchun to'lov emas, so'rovingiz jiddiy ekanining belgisi. Qahvaning so'mdagi narxi balansni to'ldirish sahifasida ko'rinadi.

Question 2

Mezbon javob bermasa nima bo'ladi?

Accepted Answer

72 soat ichida javob bo'lmasa, taklif avtomatik bekor bo'ladi va qahva to'liq balansingizga qaytadi.

Question 3

Uchrashuv qanday tasdiqlanadi?

Accepted Answer

Yuzma-yuz uchrashuvda siz saytda QR va 6 xonali kodni ochasiz, mezbon uni skanerlaydi yoki kiritadi. Kod har 60 soniyada yangilanadi, shuning uchun oldindan yuborilgan skrinshot ishlamaydi. Onlayn uchrashuvni esa tizim o'zi yakunlaydi: mezbon xonaga kirgan bo'lsa qahva unga o'tadi, kirmagan bo'lsa sizga to'liq qaytadi.

Question 4

Nega kod menda, mezbonda emas?

Accepted Answer

Qahvani oladigan tomon tasdiqlash tugmasini bosadi, kod esa qahvani beradigan tomonda qoladi. Sizsiz hech narsa tasdiqlanmaydi.

Question 5

Qahvani pulga chiqarsam bo‘ladimi?

Accepted Answer

Yo‘q. Qahvadoshda qahva pulga aylanmaydi: siz uni platformadan sotib olasiz va suhbatlarga sarflaysiz. Uchrashuvdan tushgan qahva 24 soatdan keyin ishlatishga ochiladi — mezbon uni o‘zi mehmon bo‘lganda sarflaydi. Sotib olingan, lekin sarflanmagan qahvani esa to‘langan narx bo‘yicha qaytarib olish uchun ariza yuborsangiz bo‘ladi.

Question 6

Uchrashuv qachon va qayerda bo'ladi?

Accepted Answer

Vaqtni mezbonning jadvalidan o'zingiz tanlaysiz — kelishib olishga hojat yo'q. Yuzma-yuz uchrashuv joyi ommaviy bo'lishi shart (kafe, ofis, koworking); aniq manzilni uchrashuvdan 2 soat oldin ochiladigan uchrashuv chatida kelishasiz. Telefon va Telegram almashilmaydi.

Question 7

Bu tanishuv sayti emasmi?

Accepted Answer

Yo'q. Jins bo'yicha qidiruv filtri yo'q, romantik takliflar foydalanish shartlari bilan taqiqlangan va shikoyat bo'yicha profil bloklanadi.

Question 8

Qahva qaysi hollarda to'liq qaytadi?

Accepted Answer

Mezbon rad etsa — darhol. 72 soat ichida javob bermasa — taklif avtomatik bekor bo'ladi. O'sha vaqtni boshqa mehmon band qilsa — darhol. Mezbon bekor qilsa yoki uchrashuvga chiqmasa — to'liq. Bu hollarda balansingizdan hech narsa yechilmaydi.

Question 9

Uchrashuvni o'zim bekor qilsam nima bo'ladi?

Accepted Answer

Uchrashuvga 24 soatdan ko'p qolgan bo'lsa, qahva to'liq qaytadi. Kechroq bekor qilsangiz 50% sizga qaytadi, qolgani mezbonga o'tadi — uning o'sha vaqti band bo'lib turgan edi. Uchrashuv boshlangandan keyin bekor qilib bo'lmaydi: qoladigan yo'l — tasdiqlash yoki shikoyat.

Question 10

Platforma qancha oladi?

Accepted Answer

Siz bergan qahva mezbonga to‘liq o‘tadi — uchrashuvdan qo‘shimcha to‘lov olinmaydi. Platforma daromadi uchrashuvdan emas, qahva SOTILISHIDAN keladi: siz uni platformadan sotib olasiz.

Savollar va javoblar